الريدة ريدتنا وين انا ........... والشطة حقتنا وين انا (شعر حلمنتيشي)

**اللورد** الثلاثاء أغسطس 05, 2008 8:53 am

الشطّة!

حبيبتي I love you

ومن حبك I shall die

من شِدّة ما إنتِ beatiful

شعري الفي راسي fly

I see في عيونك sea

I can't swim براي

when I see you في الـ road

going to the shop بي جاي

cutting the زلط

on foot with shoes small and high

I don't know what I can do

I can't believe my eye

سماحتك عقّدتني عديل

أعاين ليك دموعي تسيل

أكُر في الحمدو عشرين مرّة

وأقرى معاها سورة الفيل

ولمن تمسكي المنديل وتمسحي بيو كحل عينيك

لمّي الدمعة فوقوا تسيل

أعاين في عيونك ديل

وأقول أريتني كان منديل

ما بنفع كلام يا ريت

نوعي ده ما شَبَه منديل

ملامحي قريبة للصارقيل!

كيفن بس أكون منديل

ولمّا تقومي منعدلة

وتقدلي ليك كم قدلة

أفنجط بي وراك ســــــــــــاي

التقول سخلة

أعاين وأقول هَمَلة

وحلاة القدلة في أهلها

حليوه وتمشي بي جَهلها

وتتقصّد مشي الأصلة

وأنا الفجغوني بي عَدلة

أنا اليادوب في دنيا الريد

مناي يا رب سلام في الإيد

عيونك زي عيون الصيد

كُبار زي خروف العيد

تكهربي بيها خلق الله

ونوعي ده عاد جنونو يزيد

وأقول يا رب تسلّم لي أو ساكت

تأشّر لي، وكان غمزت ده يوم العيد

وعينيك طالعا بينها طوّاف

لا الكبكابة لا الرجّاف

تقول رشّوني بي البفباف

يجيني رعاف

وأقعد ألف، عيوني ترِف

وأقول أكيد ده أثر فطور الفول

لمنّ تضحكي في نُكته

التقول لبعوني بي شنطة

وأكب فوق العصير شطّة

وأقرطع ما أسيب نُقطة

وأقول "يا سلام عصير لُقطة"

وإنتِ تقولي"بالغت وشربت الشطّة يا إنتَ"

مالها الشطّة، ما شربات عصير كُفته

عصير جركان من الدُكّان

يترشّه في صحن فتّة

ما مهم شرابي الشطة

والمهم الكلمة "بالغت "

و "شربت الشطّة يا إنتَ"

تخريمة : حلمنتيشية ملطوشة

**زاهر يس** الأحد أغسطس 24, 2008 7:11 pm

استميحك عزرا ايها الشعر
يا من تطاول عليه المدعين والاصدقاء
استميحك عفوا

الريدة ريدتنا وين انا ........... والشطة حقتنا وين انا (شعر حلمنتيشي)

الريدة ريدتنا وين انا ........... والشطة حقتنا وين انا (شعر حلمنتيشي)

رد: الريدة ريدتنا وين انا ........... والشطة حقتنا وين انا (شعر حلمنتيشي)