| المك: قتلت منو وجريت |
| ( التفت على بت عمو قال ليها) |
| طه: ها ما بتسمعى يا بنيه |
| هدى المابيها لكن خفت ورانيه |
| |
| الموت ما بخاف الخوف مو هولى |
| الشىء البخافو بخاف بهادل عولى |
| الناس الوراى كان براى يسعولى |
| فى راس الكتلتو اقيف يمين للحُولى |
| |
| كان هم برضو بتارت ياخدو الهيلتى |
| ما كنت التجيت ضاقت علىّ مهيلتى |
| يا مك ناسى قله بخاف يخربو قبيلتى |
| بجعل احتميت فوقك سندت تقيلتى |
| |
| الشكريه تقيو وللجوار ما براعو |
| حمد وودكين فى راسى خت كراعو |
| سمع بسفرى قاصد شندى قام فى سراع |
| وقاطع دربى يخرط ريه قال بضراعو |
| |
| جيتك من اهلى قاصدك ما بقبل تار |
| انكشف الامر براك دحين اختار |
| آما تبقى بينى والبخافا ستار |
| ام تكتلنى ات نسيبو تاخد التار |
| |
| اياك عز القبائل والكرم فيك طبع |
| وجارك ما بهم ان يسوى السبع |
| ان كان اجلو تمّ اخد قصاصو السبع |
| والليكالو الاسد اخيرلو من الضبع |
| (آآآ..المك نمر هنا التفت على الجعلين القاعدين جمبو قاليهم) |
| المك: مطارق جعل اتو الكلام سامعنو |
| قولو دحين رايكم وفكركم الشارعنو |
| (واحد جعلى تلب وقف على حيلو قال ليه) |
| جعلى : كان ضيفنا ما نحميه وندافع عنو |
| نرمى سيوفن ليه تانى الحصان ساعينو |
| |
| قديم يا مك ديارنا مرتع الامال |
| وشعبه الكون ، ركازة الزمان ان مال |
| سعين من جارى العوق يمين وشمال |
| بدمان التنزيل نحجاه قبل المال |
| |
| اديه الامان يقدل ويلقى مناه |
| البقى فى آمان المك منو البدناه |
| كل اسم جعل من اعله لادناه |
| محال يقرب والمك نمر ادناه |
عدد الرسائل : 217
» طلب تبادل اعلاني
» ملاحظاتي
» الشبارقة دوت كوم
» alshabarga.com
» منتديات
» الشبارقة الرياضي
» الشبارقة الجديدة
» تفضلوا بالزيارة