| (هنا تشعر بيهم زى الخاف منهم كدا شويه..البطاحين خافوا من الشكريه لانو فى قله بعدين شيخ العرب قال ليه) |
| شيخ العرب: ضيف الغابه حالف دا الفريق ما يجاور |
| عبد الله: سمح أرجانا يمكن طه نحن نجبرو |
| شيخ العرب: الزول فى الرقاد شقه البريحو بخبرو |
| والزول البليد بيدو بحفر قبرو |
| عاد بنسوى عوسنا وطه يلزم صبرو |
| طه: سوى الدايرو وكُتر الكلام خليهو |
| والشر القصدتو معاى ابقى عليهو |
| طير اصل السماء حتى القمر دليه |
| يوم نتلاقى كل واحد بعرف الليهو |
| (بعدين هنا طه داير يمرق قام احمد لحقه قال ليه) |
| أحمد: أقيف يا طه عندى نصيحه ليك ابداها |
| العقدة الصعيبه العاقل بتعداها |
| الشكريه كتره نحن ما نلداها |
| انا عندى العرب بريّه اخير نفداها |
| طه: خلاص يا احمد تراك بفكرك |
| روح لود دكين وريه يسمع شكرك |
| يديك مال كتير وقبيلتو ترفع ذكرك |
| تصبح عمدة فوق روسنا تخلف حكرك |
| (جأ عبد الله برضو قال لطه غايتُ اتعبو خالص) |
| عبد الله: ليه احمد تهينو ، نصيحتو موضاراك |
| موحق النقص إنت بتعرفو براك |
| وكت بتسوى عوسك وما بتشوف بوراك |
| نشاور ريّه امكن ريه مودايراك |
| طه: صدق اللقالو خربانا البلد بكباره |
| هديل ريّه اسألوه واعرفوا اخباره |
| من غير السفر ما عندى تانى دياره |
| نحن وانت بيدى الحاله ما بنتباره |
| احمد: يا طه المصاعب للقبيله تقودا |
| مسافر وين مخلى النار بوراك موقودا |
| طه: انا السمتان جليس الردفولا عقوده |
| حد السيف بقطع عقدتو المعقوده |
| |
| ما ولعت ناراً انتو تقعو فيها |
| شن دايرين براى وانا نارى مدفيها |
| أحلف ليك يمين دى الحله متقفيها |
| باكر من صباحى قبل يحس الفيها |
| عبدالله: نحن كبار اخيرلك ترضى بعرفتنا |
| مع الشكريه احسن نشترى الفتنا |
| ندى ود دكين ريه ونكتل الفتنا |
| ما من خوف ملاقات الرجال حرفتنا |
| طه: من الفيها ما بزح ان تزحزح مره |
| وان حين نعود ان طال زمنا ومره |
| عيش الدنيا ان كان يحلى وان كان مرة |
| الزين ما بدوم والزول بموت فت مره |
عدد الرسائل : 217
» طلب تبادل اعلاني
» ملاحظاتي
» الشبارقة دوت كوم
» alshabarga.com
» منتديات
» الشبارقة الرياضي
» الشبارقة الجديدة
» تفضلوا بالزيارة