ما حتلقو الذ من كدة ولو مغالط خش و شوف

**اللورد** الخميس أكتوبر 23, 2008 10:40 am

واحد مسطول مشي الصيدلية قال للدكتور : عايز لبن اطفال ..... الدكتور: اسمه شنو !؟
,,,,,, االمسطول رد : اسمه اشرف

واحد مسطول مشى للجيران الساعة تلاتة صباحا دق الباب قام لمن فتحوا ليهو الباب قاليهم عندكم طماطم :قالو ليهو اي قال ليهم و نحنا ذاتنا

مسطول دخل عنبر مرضى السكرى قال ليهم :
وييييييييييين يا حلوين

مسطووول خشا البيت على اهلو حالق شنبووو
لمن دخل عاين لاهلو كدة
وقال ليهم تصدقووو ما عرفتكم

مسطول بابه دقه...قال منو الفي الباب :قال ليهو افتح يا جدو انا حفيدك....قال: يعني حتفيدني في شنو يعني

مسطول مفلس وقرفان صرف ماهيتو الشفع اتعلقوا قالوا دايرين تلفزيون اشتري ليهم التلفزيون وجاي علي البيت شاف ليهو موزه خاف يتزحلق ويكسر التلفزيون وقروشو تروح ساكت خت التلفزيون ومشي اتزحلق بالموزه وجاء راجع شال تلفزيونو ومشي

المسطول مشى بيت ناس صحبو دقه الباب جاتو اخت صحبو
سألا حسن في ؟
قالت ليهو مافي
فضل واقف سرحان
قالت ليهو خلاس لما يجي بكلمو ليك
قاليها كلميهو اتي قايلاني خايف منو؟؟

مسطول احوص بحضر ليهو في فلم عاطفي داير يدمع
ريل

في واحد مشى لشيخ مسطول يفسرليهو حلم وقال : انا حلمت اني لابس بدلة لونا بني فاتح وقاعد في مكان فيهو نجيلة قال الشيخ : تفسير الحلم ..... انك تور الله في برسيمه

مسطول جابوليهو بنت قالوا: 'شنو حتسميها'
قال: 'هبة على عمتي علوية

واحد مسطول جننتو ضبانة عكرت دمه
شغالة لافة فيهو ازززززززززززززززززززززززززززززززز
غرف منها وكد كدا لمة فيها وقبضها ....
وجر نفس طويل من سجارتو ونفخها بيهو .......
قامت الضبانة سطلت ....
صاحبنا دنقر عليها وقال ليها اززززززززززززززززززززززززز

مسطول مشى محل حلوانى العامل قال ليه سفرى ولا محلى رد المسطول : اقول ليك حاجه شكلو

اتنين مساطيل قاليهم عسكري لي عيونكم حمرا
قالوا بنبقى لبعض

حين تري السماء سقف لبيتك وتري القمر مصباح لغرفتك و التري النجوم متعتك حينها تاكد انك مسطول ليس الا

جماعة كل يوم بسطلو في بيت و بقعدو واحد جنب الباب اذا جاء البوليس يديهم تنبيه
يوم العليهو الحراسة قبل ما يمشي يقعد ضرب واحدة قوية و مشى قعد جنب الباب شالتو نومة ناس البوليس لما جو أول حاجة رفعوهو في عربيتهم و دخلوا البيت رفعوا الباقين و صاحبك نائم في العربية ، العربية جات في دقداق صحا لقى البوليس قدامو قعد يكورك : جاااااااااااااااااكم

مسطول بيسأل صحبو المسطول شنو اسماء اخوانك؟ قاليهو :كلهم أسمهم عبدالله الا ابراهيم اسمو مصعب

مولاي شخص بالباب أدوشنا يريد أن يخش. الوالي: ثكلتك أمك أوقفه عند الباب حتى آذن له بالخشوش اتنين مساطيل بمثلوا مسرحية باللغة العربية.

اتين مساطيل بيحضرو في كورة والمذيع بيقول دربكة في خط الدفاع دربكة في خط النص دربة في ال18 وهوووب قووووووووووووون جوا القون قام المسطول قال لي صاحبو تعرف دربكة دا لاعب مييييييييييية مية

واحد مسطول في قسم الشرطة صدم 15 زول بسيارة
الظابط قال لية : دشنو يازول
قال: انا كنت سايق في الشارع وفجا ظهر لي زول وعلي يميني بيت عرس وعلي شمالي اولاد صغار
الظابط قليهو : ماكان تصدم الزول البراهو
قال : انا زاتي قلت كدة لكن هو جري بيت العرس

مسطول.. بتاع الحركة قال ليهو: ما رابط الحزام ليه؟ قال ليهو: هو أنا لابس بنطلون

حيوان خرافي لاقى حيوان خرافي قال ليهو ارح نلعب طربيظة طربيظة قام داك شال الزير ومرق

قالوا مسطول بعد احداث امدرمان الاخيرة شاف عربية بوليس وقام جاري.. البوليس شافوا قام سكاهو... ولمن مسكو سالو يا زول في شنو. قال ليهم المسطول ما في شي
سالو البوليس طيب بتجري مالك..
قال ليهم ما يمكن يكون في شي.

اربعه مساطيل سايقين عربيه والسطله راااابطه معاهم شديد قامو صدمو العربيه طفجوها طفيج شديد..قالو خلاص احنا ننفوخ العربيه دي من العادم..نزلو تلاته قعدو ينفخو فى العادم بخشموم...والرابع واقف بعيد بيضحك ضحك شديد...قامو جوهو قالو ليهو بتضحك مالك...قاليهم انتو عووره ولا شنو بتنفخو في العربيه والشبابيك فاتحه

مكانيكى مشى خطبة الجمعة وموضوع الخطبة كان عن ليلة القدر.. بالليل مرتو ولعت نور الغرفة عشان تصحيهو السحورصحبنا قام من النوم مخلوع وشغال يكورك : يالله مرسيدس يالله مرسيدس بنز

مسطول طالع من الدكتور بيتكلم مع روحو: ضب في صحن؟ لا لا سحلية في جك؟.. لا لا قعونجة في جردل؟ لا لا تمساح في بانيو؟ رجع للدكتور تاني وقال ليهو: انت يا دكتور قلت عندي

شنو؟! قال ليهو: عندك سرطان في الحوض

مسطول ماشي في الشارع بليل وراجع بيتهم ومنتظر المواصلات شاف بوكس طارة واقف في الظلط قام جرى عليهو لمن وصل البوكس قام عاين للعسااكر مسااااااااااااافة قال ليهم عربي

مسطول مرتو قالت ليهو وأنا بصلي الكديسة أكلت عشاك قمت دقيتها قامت جارية، قال ليها: ما مشكلة بكرة بجيب ليك كديسة تانية

مسطول مواعد ليهو واحد... شراهو
مشي اشتكاهو في مكتب الحركه
بتاع البلاغات سالو: نمره العربيه كم
المسطول : ما عندو عربيه
بتاع البلاغات: طيب نمره عربيتك كم
المسطول: ما عندي عربيه
بتاع البلاغات: طيب جاي مكتب الحركه ليه ؟
المسطول: عشان حركتو ما جميله

مسطول كان ماشى لقى الناس بصلوا فى (زاويه) و الارضية كانت برش قام صلى معاهم، بعد الصلاة خلصت الناس مشت الا الامام و المسطول كان غالبو يقوم ، قام الامام قال للمسطول : يا ولدى يلا لفها، المسطول : يا مولانا انت جادى ؟؟

واحد مسطول بيسأل واحد مسطول تاني: اسم دولة أوروبية لو خطيت على أخر حرف فيها نقطة تبقى اسم عالم ذرة التاني قال ليه ما عارف قام الأول قله: الدولة هي قطر ولما تخط نقطة حتبقى قطز قام التاني قال هو قطز عالم ذرة؟؟؟؟؟فرد عليه الأول يعني هي قطر دولة أوروبية؟؟؟؟

مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم