من روائع مصطفى سيد أحمد

**اللورد** الأربعاء أكتوبر 08, 2008 10:40 pm

عينيك مدن
صلاح حاج سعيد
****
عينيك مدن..
منسية فى كتب التواريخ والزمن
عينيك وطن...
مشدود على وتر التباريح والشجن
ممدود على حروف الكتابة
مكدود عَـنا .. ومكتول صبابة
وفيهو حـطّ النيل .. سكنْ
***********
عينيك سفر...
مكتوب أعيش فى غربتو
وأعشق عذابو .. وحُرقَتو
وليلو الطويل..
وأتخيـّلك يا حلوة زى نسمة سحر
جيتى ومعاك .. حلمى المطوِّل
ومنتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
جاشت ملامحك روعتو
وضجّ السكون .. فى وحشتو
والكان أمل فى عيونى لاح
ذوب مدارات فرحة الوهج
النضير المزدهر بالإرتياح
فجأة إنحصد قبضة رياح
وسكت الكلام يا حلوة
فى القول المباح
وغام الصباح .. بعدِك رحل
**********
والكان أمل فى غيم سماك ..
أيقنت إنـّو عدم بلاك
وإنـِّك قدر .....
وإنـّو البيحلم بى عـلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى ..
والمستطاب والمشتهى
كل المباهج الفى المواويل والغنا
والعاشقيك قلبى .. وأنــا
هزتنا فى عينيك تصاوير المنى
يا أمنيات من كم سنة ..
يا أغنيات كل الأماسى
المستحيلة .. وممكنة
بستحيل عينيك تهون
المستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
لو يبقى بى حساب الزمن ..

**زاهر يس** الثلاثاء أكتوبر 21, 2008 12:29 pm

[center]الاخ رياض دائما تثرى مساحات الشوق في داخلناا بالابداع والروائع ونحن انما نشير علي استحياء الي هذه القامه السامقه والنبع الفياض بالشجن والمحنة ولك الود[b]

من روائع مصطفى سيد أحمد

من روائع مصطفى سيد أحمد

لك التحيه