نكات منوعة

**اللورد** الجمعة يوليو 25, 2008 12:28 pm

إمام حلفاوي بيصلي بي جماعه من الحلفاويين,
كُل يوم وكُل صلاة يقرا الحمدُ وسورة -ألهاكم التكاثُر حتي زُرتُم المقابر-,
أها الإمام مات قام جا ولدو بقا يصلي بالجماعه بدلو,
أول يوم صلي قرا ليهم سورة - التين والزيتون- ,
الجماعه ورا طوالي قالو ليهو (أثناء الصلاة) أيوا كِدا الله ينصُر
دينك جيب لينا الحاجات السمحه دِي,
أبوك كُل يوم شابِكنا [overline]هاكُم التزاكِر أمشُو المقابر[/overline].
__________________

جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحلو لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.

_________________________

مسطول أهلو أصرو يودوهو للشيخ في الخلوه عشان يتعلم القرآن,
أها أول يوم مشا وجا راجِع أهلو سألو ,الليله الشيخ أداكم شِنُو ؟
قال ليهُم والله الشيخ ذاااااتو ما عارِف.. مره يقول القارِعه ومره
يقول ما القارِعه

_________________________

شايقى إتصل فيه جورج قرداحي قاليهوا : صديقك ميرغنى يبي مساعدتك رد عليه الشايقى وقال قوله .. أني نايم

________________________

واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله ... ده ما يومك .....

____________________

مسطول أخوهو مات ، الجماعه غسلوهو ولفوهو
في الكفن ، قام إتلفَت ليهُم وقال ليهم
مافي واحد معاهو ولاعه

______________________

واحد بيحكي لرباطابي عن أنواع الثعابين، قال ليهو:
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟

________________

واحد مرتوعضتة كديسه المره
ماتت جاء واحد يعزى الراجل
لقى الناس اعداد غفيره سال راجل
المره الميته الناس دى كلها جايه العزاء
الراجل قال ليه جاين يستلفو الكديسه

(( والعايز يستلف الكديسة يوريني وانا بدلو على مكانا ))

______________

رُباطابي مُتشاكِل مع مَرَتُو
قامت قالت ليهو والله الواحده
كان عرَسـت إبليس كان أخير مِنك
قال ليها معاك حق..
لكن بس حرام الواحده تتزوج أخوها
__________________

إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعزِبو بيهُم الكُفار

_________________

واحِد مسطول ضرب تلفون لي عزابه
ردَت عليهو البت بتاعت سوداتل المُسجله
(هذا الرقم موقوف من الخِدمه مؤقتاً)
قال ليها خلينا من الرقم ده ... إنتي الجابِك هِنا شِنُو

_____________________

شايقي دخل البيت زعلان شديد .. مَرَتُو سألتو مالك يا راجِل
قال ليها تخيلي الصيدليه عامله تخفيض كبير في الدواء
وما عندنا زول عيان

-__________________

مسطول قالو ليهو عادل إمام مات
قال ليهم الليله نكير الضحك شرطو

_____________________

مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة
عندي الحمدو

__________________
مسطول بيسال مسطول عرفنا عيد الضحية بنضبح فيهو خروف طيب عيد الحب نعمل فيهو شنو
رد عليهو ابدا نجكس فيهو الخروف

__________________________

رُباطابي فتح دُكان جاب واحد فلاتي قرا فيهو يس..
أول شهر الدكان رِبح 4 مليون ..الفلاتي سمع جا للرباطابي
قال الا يشيل 2 ملون .. الرباطابي قال ليهو لي إنتَ يس دي
قايلا من تأليفك
__________________

شايقى وجعلى ماشين فى الغاية فى الجنوب
ظهر ليهم نمر عاتى وجاء هاجم عليهم
الشايقى ... شال نعلينو فى ايدو . واستعده للجرى
الجعلى قال ليهو شلته نعليك فى ايدك
قايل نفسك دار تسبق ليك .نمر
الشايقى قال للجعلى ..انا عارف نفسى ما بسبق
النمر انا داير اسبقك انت..؛؛؛؛؛؛

__________________________

أمريكي و إنجليزي و سوداني دخلو نار جهنم سوا , الامريكي قال
لي إبليس عليك الله شوف لي طريقه داير أتصل بي أهلي بواشنطن بالتلفون
بس خمسه دقايق .. إبليس جاب ليهو الخط وبعد المكالمه إنتهت قال لي الحساب
مليون دولار .. الانجليزي طلب نفس المُكالمه لي لندن و إبليس حاسبو بي
مليون جنيه استرليني .. السوداني طلب مُكالمه للخرطوم قام إبليس أداهو ساعتين
قام السوداني سأل الحساب كم؟ إبليس قال ليهو دولار واحد بس لأنها
مُكالمه داخليه

_____________________________

مسطول مشا يعزي جيرانو ولدن مات
دخل الخيمه شال الفاتحه وقعد
الزول القاعد جمبو قال ليهو كيف تشيل
الفاتحه انت ما عارف الناس ديل أقباط؟
المسطول قال والله أول ما إتذكرت انهم
أقباط كشحتهم ليك بي (قل يا ايها الكافرون)

_____________________________